Ахсынньы 21-22 күннэригэр Иккис Мээтис нэһилиэгэр, саахымакка улуустааҕы турнир буолан ааста.
Күрэх үһүс төгүлүн, Сахаттан бастакы бэрэпиэссэр, Саха АССР төрүттээһинин биир чаҕылхай бэрэстэбиитэлэ Г.Г. Колесов аатыгар ананан ыытылынна. Күрэххэ Орто Халыма к., Сыбаатай, Налимскай, Эбээх, Хатыҥнаах, Ойуһардаах хамаандалара, 4 бөлөҕүнэн саастарынан арахсан оонньоотулар.
Турнир түмүгүнэн саҥа ааттар таҕыстылар, саҥа чөмпүйүөннэр ааттаннылар. «Турнирга аҕам саастаах дьоммут кыттан, 88 саастаах В.Н. Федоров 10 киһиттэн IV-с, М.А.Бандерова III-c миэстэ буолан кыттааччыларга, ыччакка үтүө холобур буоллулар.
Тэрээһин бары кыттааччыларыгар, тэрийээччилэргэ истиҥ махталбытын тиэрдэбит» — диэн Иккис Мээтис олохтоох дьаһалтатын баһылыга Н.Н.Винокуров махталын, эҕэрдэтин биллэрдэ.
Ааптар: Саргылана Кокорина