Алтынньы 28 күнүгэр Үөһээ Халыма территориятыгар буран көлөлөөх икки киһи ууга түспүтүн туһунан Орто Халыматааҕы дьуһуурунай сулууспаҕа тыллабыр киирбитэ.
«Колымские новости» хаһыат эрэдээксийэтэ иһитиннэрэринэн, бурааннаах дьон Пески учаастак күөлүгэр түспүттэр. Биир киһи биэрэккэ тахсыбыт, 72 саастаах эр киһи ууга былдьаммыт. Сэтинньи 1 күнүттэн Халыматааҕы көрдүүр-быыһыыр этэрээт 2 байыаһа Иван Оконешников, Алексей Колесов уонна Дьокуускай куораттан СӨ көрдүүр-быыһыыр этэрээттэн водолаз идэлээх исписэлиистэр көрдүүр үлэни ыыталлар.
Ааптар: Саргылана Кокорина