Олунньу 1-2 күннэригэр, өрөспүүбүлүкэтээҕи «Дыгын Оонньуулара» национальнай многоборье турнирыгар кыттыыга II-с сүүмэрдиир түһүмэх буолан ааста. Биһиги уолбут, Алексей Созонов 40 мадьыныттан, билиҥҥи көрдөрүүтүнэн, 16-с миэстэҕэ тигистэ.
Кини кыттыытын туһунан биһиҥи эрэдээксийэбитигэр санаатын үллэһиннэ: «Сүрүнэ, түһүмэҕи оһоло-моһоло суох түмүктээтим. Санаабар, арылла, кыахпын толорду туһана иликпин. Бу сырыыга сэрэбиэйим да табыллыбата, чуолаан маска уонна хапсаҕайга.
Муус устарга III сүүмэрдиир, кыттыыны быһаарар түһүмэхпит буолуоҕа. Онно күүспүн-уохпун арыйыахпын, өйбүн-санаабын сааһылыахпын наада. Маны сэргэ кулун тутарга Манчаары оонньууларыгар путевка ылыыга кыттыахтаахпын».
Киэн туттар, элбэҕи эрэнэр уолбутугар үрдүк ситиһиилэри баҕарабыт, алгыспытын, арчыбытын ыытабыт.
Ааптар: Саргылана Кокорина