Тыа сирин хоһуун дьонун суолдьут «Байдам» сурунаала сахалыы тылынан сылга 6-та тахсар. Ыам ыйыгар, бэс ыйыгар тахсар нүөмэригэр «Орто Халыма холобур буолар туруу үлэһит ыала» диэн Анна Яковлевна Слепцова уонна Алексей Иннокентьевич Оконешников дьоҕус хаһаайыстыбаларын туһунан ыстатыйа таҕыста.
Санатан эттэххэ бу ыстатыйа «Халыма долгуннара» хаһыакка бэс ыйын 14 күнүгэр, 23 нүөмэрдээх хаһыатыгар тахсыбыта. Бу ыстатыйа «Байдам» сурунаалга, «Байдам» кылаабынай эрэдээктэрэ Альберт Капрынов көҕүлээһининэн ылылынна.
Бу курдук дьоҕус хаһаайыстыбалаах, түргэнник ситэр салааны сайыннарар улууспут нэһилиэктэрин олохтоохторун биһиги эрэдээксийэбитигэр тахсан, хаһаайыстыбаҕытын билиһиннэрэн, хаһыаппытыгар, өрөспүүбүлүкэ сурунаалыгар күндү ыалдьыт буоларгытыгар ыҥырабыт.
Ааптар: Саргылана Кокорина