Кинилэр чысхааннаах тымныыттан толлубакка, чэбдик кыһыҥҥы салгынынан тыынан, доруобуйаларын бөҕөргөтөллөр, үйэлэрин уһаталлар, көрсөн-кэпсэтэн сэргэхсийэн бириэмэлэрин туһалаахтык атаараллар.
Биир үтүө күн, кыһыҥҥы тыа быыһыгар кинилэри Моруос оҕонньор көрсөн эҕэрдэлээтэ.
Аҕам саастаах дьоҥҥо соһуччу үөрүүлээх түгэни «Түмэн» бэтэрээннэр түмсүүлэрин бэрэссэдээтэлэ Оксана Петровна кэргэнин Александр Ивановичтыын көҕүлээн тэрийдилэр.
Биһиги бэтэрээннэрбит бөһүөлэк уопсастыбаннай олоҕор көхтөөхтүк кытталлар. Кинилэр элбэх ыччат ийэлэрэ, эбээлэрэ, алаһа дьиэ араҥаччылара, иистэнньэҥнэр, асчыттар, сыана бэтэрээннэрэ, успуорт көхтөөх кыттааччылара. Кэлэр көлүөнэҕэ үтүө сүбэһит, мааны дьоммут буолаллар.
Ааптар: Миланья Винокурова, Өлөөкө Күөлэ бөһ.
