Быйылгы сыл Дойду үрдүнэн уһуйааччы уонна аҕа сүбэһит, Саха Өрөспүүбүлүкэтигэр Үлэ сылынан биллэһиллибитэ. Уһуйааччы – оҕоҕо сөбүлүүр идэтин таларыгар, анаммыт дьоҕурун сайыннарарыгар сөптөөх суолга сирдиир киһинэн буолар.
Биһиги улууспутугар талбыт идэлэрин баһылаан, олохторун устата идэлэрин өрө тутан үлэлии сылдьар, үлэ уруогун учуутала элбэх. Улуус сайдыытыгар, технология, эбии үөрэхтээһин учууталлара улахан өҥөлөөхтөр. Ханнык баҕарар омук бэйэтин дьоҕура күүскэ сайдарын ситиһэр, ону оҕоҕо уһуйан, үгэс үөрэҕин сайыннаран, көлүөнэттэн көлүөнэҕэ тиэрдии бу кэм ирдэбилэ буолла.
