Бүгүн Тохсунньу ый 6 күнүгэр , сылын аайы ыытыллар «Бал главы для хорошистов и отличников» үөрүү-көтүү үктэллээх, көрдөөх-нардаах оонньуулардаах, фуршеттаах, оҕолору толору үөрдэн көрүстэ.
Онтон Тохсунньу ый 1 күнүгэр сүүрбэччэ нүөмэрдээх Саңа дьыллааҕы кэнсиэри бөһүөлэкпитигэр бэлэх уунаммыт, дьоммут үөрүүлэрэ үксээтэ.
Ахсынньы ый 31 кунугэр Учуунускай аатынан сынньалаң киинигэр «Тымныычаан» диэн (Морозко) аныгылыы көрдөрүүгэ эдэр уонна аҕам саастаах көлүөнэ дьонноро бары бииргэ олус үчүгэйдик кыттаннар, бөһүөлэк дьонун сэргэхситтилэр.
Ол кэннэ иккис тэрээһиммит «Араас дойду Тымныы оҕонньотторо-2024» диэн түөлбэлэр икки ардыларыгар бэрт тэтиэнэх , бэһиэлэй Саңа дьыллааҕы күрэх буолан ааста. 4 түөлбэ, бары олус көхтөөхтүк бэлэмнэнэн кэлбиттэрэ өтө көстөрө.
Ирландия, Восток, Кытай тымныы оҕонньотторо уонна Эһээ дьыл күөн көрсөннөр дьон биһирэбилин ылыаҕын ыллылар. Тымныы Моруостар күрэхтэригэр:
I миэстэни «Дьукээбил» түөлбэ (Восток), II миэстэ «Кэскил» түөлбэ (Кытай), III миэстэ «Сарыал» түөлбэ (Саха сирэ), IV миэстэни «Саhарҕа» түөлбэ (Ирландия) ыллылар.
Ону тэңэ, кырачаан оҕолорбутугар уонна начаалынай кылаас оҕолоругар Саңа дьыллааҕы утренник буолан ааспыта.
Ааптар: Ульяна Сосина, Эбээх бөһ.
