Орто Халыматааҕы дьарыктаах буолуу киинэ, сайыҥҥы кэмҥэ сокуоннайа суох саастаах оҕо дьарыктаах буоларын туһугар көмө бырагырааманы үлэлэтэр. Быйыл тустаах киин оҕо сайыҥҥы бириэмэтин туһалаахтык атаарарыгар 50 миэстэ көрбүт.
Бүгүҥҥү күн туругунан ОДьКХ тэрилтэтэ, «Саһарҕа» оҕо уһуйаана, Орто Халыматааҕы кииннэммит балыыһа, Орто Халыма куоратын дьаһалтата, Өлөөкө Күөлүн сылгы Собуота, Эбээххэ, Ойуһардаахха, Сыбаатайга, Хатыҥнаахха, оҕону үлэлэтэргэ сайаапка ыыппыттар. Маны сэргэ икки оҕо таба иитэр ыстаадаҕа сайылыыра былааннанар. Анал бырагыраама чэрчитинэн, Дьарыктаах буолуу киинин нөҥүө үлэлиир оҕо, хамнаһын таһынан 6276 солк. 75 харчыны ылыахтаах.
Бу туһунан Дьарыктаах буолуу Орто Халыматааҕы киинин анал исписэлииһэ Зоя Гуляева иһитиннэрэр.