Байды нэһилиэгэр уопсайа 153 сылгы иитиллэр. Мантан 33-һэ биэ. Сергей Третьяков тэрээһиннээх хаһаайыстыбатыгар 70 сылгыны тутар.
Хороҕор муостаах ахсаана 117-ҕэ тэҥнэһэн турар. Мантан 50 ыанньык ынах. Бу сыл 38 ньирэй ылыллыбыт.
Быйылгы кыстыкка, улууска бастакы ньирэй, ахсынньы 3 күнүгэр Мария Шадрина хаһаайыстыбатыгар төрөөтө. Коза диэн 6 саастаах эдэр сүөһүтэ тыһы ньирэйи төрөттө. Ньирэй хаһаайыстыбаҕа 77-с сүөһүнэн күн сирин көрдө, Чебурашка диэн сүрэхтэннэ. Онон улууспутугар төрүөх саҕаламмытынан, байылыат олох түстэммитинэн эҕэрдэлэһиэҕиҥ!
Быйылгы кыстыкка бастакы ньирэй күн сирин көрдө
