Кулун тутар 12-13 күннэригэр Дьокуускай куорат 5 №-дээх оскуолатыгар XVIII төгүлүн ыытыллар «Будущий дипломат – 2024» куонкурус түмүктүүр түһүмэҕэ буолан ааста.
Уопсайа өрөспүүбүлүкэбит улуустарыттан 54 үөрэнээччи кытынна, ол иһигэр 36 үрдүкү лигаҕа, 18 – кыраларга. Кыра лигаҕа Орто Халыма улууһуттан Налимскай бөһүөлэгиттэн 6-с кылаас үөрэнээччитэ Сергей Третьяков кыттыыны ылан, I истиэпэннээх Дипломант аатын ылары ситистэ.
Сергей история уонна обществознание учуутала Фаина Дмитриевна Винокурова салайааччылаах «Миграция и её воздействие на систему международных отношений» диэн тиэмэни көмүскээтэ.
Сергей: «Конкурска биһиги 7 мүнүүтэ иһигэр үлэбитин көмүскээтибит, ыйытыыларга хоруйдаатыбыт. Миграция Аан дойдуга сыһыанын уонна сайдыыга дьайыытын туһунан кэпсээтим. Кругозоргун сайыннарар бэрт үчүгэй күрэхтэһии буолан ааста. О5олору кытта билсэн, санаа атастастыбыт. Дьокуускай куоракка бу конкурска ийэбин кытта баран кэллибит. Бэйэм үөрэхпэр туйгуммун. Туох баар предметтарга сөбүлээн үөрэнэбин. Мин хоббиларым: ааҕыы, авиация уонна нумизматика. Улааттахпына пилот буолуохпун баҕарабын».
Кэскиллээх туйгун үөрэнээччини уонна кини салайааччытын улахан ситиһиилэринэн эҕэрдэлиибит. Инникитин өссө даҕаны үрдүк кыайыылар, ситиһиилэр арыаллыы сырыттыннар!
