Балаҕан ыйын 7-8 күннэригэр Саха сирин чулуу легенда бөҕөһө Дмитрий Коркин аатынан Норуоттар икки ардыларынааҕы турниры, сатабыллаахтар «Триумф» успуорт уораҕайыгар, үгүспүт күөх экран нөҥүө көстөр быһа биэриигэ саха бөҕөстөрүгэр ыарыйдыбыт.
Онтон биирдэстэригэр биир дойдулаахпыт, Халымалар биллэр-көстөр, киэн туттар бөҕөспүт Виктор Рассадин кыттыытын кэтээтибит. Витябыт эрэллээхтик кыайыытын кэннэ, интэриниэт ситиминэн: «Витя маладьыас! 6-с төгүллээх Чемпион! Виктор кыайыа диэн холкутук эрэммиппит!»,- диэн статус дьон аайы тарҕанна.
Ол статустары көрөн, Орто Халыма улууһун баһылыга Иван Васильевич Лаптев, Викторы кытта хаартыскаҕа түспүтүн көрөн, эт хараҕынан Кыайыы өрөгөйүн көрбүт киһиттэн, тута санаатын үллэстэригэр көрдөстүбүт.
Иван Лаптев:»Турнир финальнай киирсиилэрин көрдүм, сүрүн туоһунан биир дойдулаахпыт Виктор Рассадин финалга тахсыыта буолбута. Триумфка көрөөччү буор босхо сырытта. Тыҥааһыннаах киирсиилэр буоллулар. Бириэмэ булан Викторы биир дойдулаахтарын аатыттан эҕэрдэлээтим, хаартыскаҕа түстүбүт. Кини сүрүн сыалынан, Таджикистан аатыттан кэлэр Олимпиадаҕа путевка ылыы буоларын, төрөөбүт дойдутугар, Халымаҕа тиийэн сынньанар, күүс-уох ылынар баҕа санаалааҕын иһитиннэрдэ».
