Сэтинньи 25 күнүгэр, биир дойдулаахпыт, бииргэ үөрэммит доҕорбут, дьүөгэбит, доҕорбут, аймахпыт Александра Панелеймоновна Сивцева (Гуляева) сырдык аатын үйэтитэ «Хаҥалас» түмсүү көҕүлээһининэн, нуучча дуобатыгар уонна волейболга күрэхтэһии буолла.
Күрэххэ «Түмэн»бэтэрээннэр , «Хаҥалас» орто саастаахтар,»Эрэл» ыччаттар ,»Аргыс» оскуола оҕолорун хамаандалара кытыннылар
Күөн күрэстэр кэрэ аҥардарга уонна эр дьоҥҥо диэн тус туһунан ыытылынна. 💪🏼Тыҥааһыннаах киирсиилэр түмүктэринэн, нуучча дуобатыгар
кэрэ аҥаардарга: 10-с кылаас үөрэнээччитэ Созонова Сайаана тэҥнээҕин булбата. Иккис миэстэ Колесова Светлана, үһүс миэстэ Куликова Софья буоллулар.
Эр дьоҥҥо кыайыылааҕынан Явловский Дмитрий буолла. Иккис миэстэни очукуолара тэҥнэһэн Гуляев Василий уонна Явловский Николай үллэһиннилэр. Оттон үһүс миэстэни Заболоцкай Роман ылла.
Волейболга тиритиилээх, ыһыылаах-хаһыылаах киирсиилэр буоллулар. Манна бэтэрээннэр эр дьоннорго хамаанда туруорбакка үс хамаанда күрэхтэстэ. 🥇Кыайыылааҕынан «Эрэл» ыччат түмсүүтүн хамаандата буолла. 🥈Иккис бочуоттаах миэстэни » Аргыс» оҕолор хамаандалара ылла. 🥉Үһүс » Хаҥаластар» буоллулар. Кэрэ аҥаардарга түөрт хамаандаттан кыайыылааҕынан эмиэ «Эрэллэр» таҕыстылар. Иккис миэстэни » Хаҥаластар», үһүс миэстэни «Аргыстар» ыллылар. Күрэхтэһиигэ ийэлэр оҕолорунуун,бэл диэтэр эбэтэ сиэниниин оонньообуттарын бэлиэтиэххэ наада. Манныгы көрөр олус биһирэбиллээх
Нуучча дуобатын кыайыылаахтара добун суруктары тутан, пьедесталга тахсан мэтээл кэтэн наҕараадаланнылар. Оттон волейболистар уксааһыннаах оонньообуттара. Кыайыылаах ыччаттар хамаандалара, сүүйбүт суумаларын ыарахан ыарыыга ылларбыт кырачаан оҕобутугар Третьякова Валерияҕа эмтэнэригэр көмө быһыытынан анаатылар
Шурикпыт барахсаны ахтан-санаан кэлэн кыттыбыт спортсменнарбытыгар махтанабыт🫶
Үтүө санаа, биир сомоҕо нэһилиэкпит дьонун түмэ турдун
Изабелла Ноговицына, Өлөөкө Күөлэ бөһ.