Ааспыт нэдиэлэҕэ дьон олорор дьиэтин таһыгар кыһыл саһыл чугаһыырын туһунан Орто Халыматааҕы айылҕа харыстабылын иниспиэксийэтигэр тыллабыр киирбитэ.
Маны ааһан тыа кыыла дьиэ кыылларыгар саба түспүтүн, куосканы куттаабытын, ыт оҕотун ытырбытын туһунан бэтэринээринэй сулууспаҕа иһитиннэрии киирбитэ. Тыллабыр кэннэ, айылҕа харыстабылын иниспиэксийэтэ тустаах дьаһалын сиэринэн, бултуурга көҥүллээх киһинэн биир саһыл (хапкаанынан) бултанна.
Билигин бэтэринээринэй сулууспа кыылга ииримтийиини уо.д.а.ыарыыны чинчийэр үлэтин ыытар. Бэтэринээрдэр сылыктааһыннарынан, саһыл тас көстүүтүнэн ыарыыга ылларбыт сибикитэ суоҕунан бэлиэтэммит.
Ааптар: Саргылана Кокорина