Ахсынньы 16 күнүгэр, «Ладушка» уһуйаан үлэһиттэрэ, С.Н.Горохов аатынан Ойуһардаах орто оскуолатын кэлэктиибэ уонна үөрэнээччилэрэ «Уһуйааччы уонна аҕа сүбэһит» сылын түмүктүүр дьоро киэһэ тэрийэн ыыттылар.
Бэлиэ сыл чэрчитинэн араас хабааннаах үлэ ыытылынна. Сылы түмүктүүр киэһэҕэ, «Ас-үөл 2023» дьаарбаҥката толору тардылынна, эҕэрдэ кэнсиэр буолла. Оскуола, уһуйаан үлэһиттэрэ барытыгар дьоҕурдаах буолалларын бу күн бигэргэттэ. Олохтоохтор олус астына дуоһуйдулар. Оскуола дириэктэрэ Марианна Гаврильевна Жиркова, уһуйаан сэбиэдиссэйэ Елизавета Егоровна Колесова бэтэрээннэргэ Махтал суруктары, сэмэй бэлэхтэри туттардылар. Нэһилиэк баһылыгын солбуйааччыта Галина Гаврильевна Ефимова эҕэрдэ тыл эттэ.
Бу курдук, «Уһуйааччы уонна аҕа сүбэһит» сылын ситимнээхтик үлэлээн түмүктээтибит.
