Алаһыай нэһилиэгэр олорор бииргэ үөрэммит үөлээннээхпин, табаарыспын Василий Васильевич Созонов сиэнэ Софья Васильевна Созонова Саха сиригэр буолан ааспыт «Азия оҕолоро» Аан дойдутааҕы оонньууга ситиһиилээхтик кыттыбытынан эҕэрдэлиибин!
Билигин сиэнэ Софья Созонова 15 саастаах, Москуба куорат анныгар Подольск куоракка төрөппүттэрин кытта олорор, оскуола үөрэнээччитэ. Кинини Москуба хамаандатыгар киллэрбэтэхтэригэр, Саха сирин хамаандатыттан кыттан, художественнай гимнастикаҕа хамаанданан кыһыл көмүс мэтээли ылбыттара.
Халыматтан төрүттээх эдэр спортсмеммытыгар Софья Созоноваҕа инникитигэр өссө элбэх ситиһиилэри, дабайыылары баҕарабын.
Ааптар: Екатерина Оконешникова, Арҕахтаах бөһ.