Н.Н.Гуляев- Күүстээх Ньукаас, Н.И.Слепцов- Кустук, Н.А.Созонов-Ньонньооһой аатынан сэттис төгүлүн ыытыллыбыт күрэххэ 60 киһи бэйэ күүһүн тургутан көрдө. Бэртээхтэр абсолютнай чөмпүөйүөн аатын сүгэн, нэһилиэк дьаһалтатын, күүстэринэн биллибит легенда дьон аймахтарын ааттарыттан сүрүн бириистэринэн (генератор двухтактный бензиновый, двигатель Lifan, денежный приз — 30 000 руб ., Мебель: стол-шкаф) наҕараадаланнылар.
Уопсайа 8 хамаанда (Орто Халыма к., Эбээх, Өлөөкө Күөлэ, Сыбаатай, Налимскай, Арҕахтаах, Хатыҥнаах, Сылгы Ыытар) кытынна.
Уопсай түмүгүнэн, боротокуол көрдөрөрүнэн, боруонса мэтээли Өлөөкө Күөлүн күүстээхтэрэ кэттилэр, үрүҥ көмүһү хаһаайыттар Эбээхтэр хааллаһыннылар уонна хаһыс да сылларын, Сылгы Ыытардар бу да сырыыга иннилэрин кимиэхэ да биэрбэтилэр.