«Аартыка суоллара» СӨ ХТ Орто Халыматааҕы филиала иһитиннэрэринэн, «Аартыка», «Алаһыай» суоллар хайысхаларынан кыһыҥҥы айан суола муус устар 25 күнүттэн сабыллыбыта.
Бу күннэргэ «Аартыка суоллара» тэрилтэ сайыҥҥы былааннаах үлэтигэр туһуланар 2000 кууб кумах ылылынна. Тутууну ыытар «КЕН и компаньон» тэрилтэ 15000 кууб кумаҕы Орто Халыма куоратын даамбатын оҥорорго уонна тутуу барылыгар анаан бэлэмнээтэ. Тэрилтэ салайааччыта Егор Константинов: «Тэрилтэ үлэтин былаанын ситиһэр. Ааспыт ыйга 5 балаһанан өрүс мууһун кэбирэтэр, хараардыы үлэтин ыыппыппыт. Саҥа эксковатор тиэхиньикэбитинэн кулун тутартан саҕалаан, хайа да сыллааҕар элбэх кумах хостонно. Кумах, саҥа дьиэлэри тутар «НОРД-Инжиниринг» уонна «Востокпромстрой» тутуу тэрилтэлэрэ туһаныахтара уонна даамба оҥорорго туһуланыаҕа. Эксковатор тиэхиньикэ үлэтэ кэрэхсэннэ, онон үлэни түргэнник, бириэмтэтигэр хаачыстыбалаахтык толорорго төһүү күүс буолар, эрэбиллээх тиэхиньикэ эбит диэн бэлиэтиибит».